අපගේ මූලික ඇගැයීම
නව්‍ය ඉදිරිපත්කිරීම් උදෙසා විශ්වාසනීත්වය, වෘත්තීයමයභාවය, පරීපුර්ණත්වය, වගකීම/වගවීම හා රුචිකත්වය තුල වඩාත් කාර්යක්ෂම සේවාවක් ජාතියට ලබාදීම
ඒ වෙනුවෙන් අපගේ සේවය?
• මත්ද්‍රව්‍ය සදහා නීතිය බලාත්මක කිරීමේ මෙහෙයුම් සහ විමර්ශන සඳහා විද්‍යාත්මක සහාය ලබාදීම
• විද්‍යාත්මක සාක්ෂි පදනම් කරගත් උපායමාර්ගික මැදිහත්වීම් සඳහා සහාය වීම
• විද්‍යාත්මක නිර්දේශ හා මෙහෙයුම් සදහා බුද්ධි සේවා සැපයීම
• විද්‍යාත්මක සාක්ෂි පදනම් කරගත් ප්‍රතිපත්ති සහ තීරණ ගැනීම වෙනුවෙන් කටයුතු කිරීම
• විද්‍යාත්මක කරුණු පදනම් කරගත් නව සංකල්ප , සම්මතයන් සහ සුදුසුතම කාලීන භාවිතයන් ප්‍රවර්ධනය කිරීම
අපගේ රසායනාගාර සේවාවේ ගුණාත්මකභාවය
ජාතික මාදක රසයනාගාරයෙහි ගුණාත්මක බවේ ප්‍රතිපත්තිය
සේවාලාභීන්ගේ සහ අදාළ ව්‍යවස්ථාපිත හෝ නීති රෙගුලාසි සම්බන්ධ අධිකාරීන්ගේ අපේක්ෂාවන් ඉක්මවා යන ආකාරයේ උසස් තත්ත්වයේ ගුණාත්මක රසායනාගාර හා විද්‍යාත්මක සේවාවන් ඵලදායී හා ගුණාත්මක ලෙස සක්‍රීය කළමනාකරණ පද්ධතියක් ඔස්සේ ලබාදීම .
අන්තර්ජාතික ප්‍රමිතීන්
එක්සත් ජාතීන්ගේ මත්ද්‍රව්‍ය හා අපරාධ පිළිබඳ කාර්යාලය (UNODC) විසින් පවත්වනු ලබන ජාත්‍යන්තර තත්ත්ව සහතික කිරීමේ වැඩසටහන සඳහා ජාතික මාදක රසායනාගාරය සහභාගී වන අතර අපගේ පරීක්ෂණ ප්‍රතිඵල නිරවද්‍යතාවය සහ ගුණාත්මකභාවය නිරන්තරයෙන් අන්තර්ජාතික මට්ටමින් අධීක්ෂණය කරනු ලැබේ.
රසායනාගාර හා විද්‍යාත්මක සේවා
මත්ද්‍රව්‍ය භාවිතය වැළැක්වීම සහ පාලනය උදෙසා වන ජාතික ප්‍රතිපත්තිය සක්‍රීය ලෙස ක්‍රියාත්මක කිරීම උදෙසා විද්‍යාත්මක සාක්ෂි මත පදනම්ව,උපාය මාර්ගික යොදාගැනීම් සදහා අවශ්‍ය සහාය ලබාදීම පිණිස වඩාත් සමබරවූත්. ඒකාබද්ධ හා බහුවිධවූත් සමෝධානික සේවාවක් ලබාදීම පිණිස ජාතික මාදක රසායනාගාරයේ කාර්ය මණ්ඩලය කැපවී කටයුතු කරනු ඇත.
ඵලදායී ලෙස මත්ද්‍රව්‍ය නීතිය බලාත්මක කිරීම සඳහා විද්‍යාත්මක සහාය
- විමර්ශනය, මෙහෙයුම් සහ බුද්ධි අරමුණු සඳහා සැක සහිත මත්ද්‍රව්‍ය විශ්ලේෂණය-ක්ෂේත්‍ර හඳුනා ගැනීම සඳහා මත්ද්‍රව්‍ය හඳුනාගැනීමේ පරීක්ෂණ කට්ටල සැපයීම
-විද්‍යාත්මක උපදේශන සේවා
- නැගී එන මත්ද්‍රව්‍ය හඳුනා ගැනීම සහ නීති විරෝධී ඖෂධ වෙළඳපොළ ප්‍රවණතා මත ධාරිතා වර්ධනය
- අන්තර්ජාල හා සමාජ මාධ්‍ය හරහා මත්ද්‍රව්‍ය අලෙවිය සහ තැපැල් / කුරියර් හරහා සිදුවන මත්ද්‍රව්‍ය ජාවාරමට එරෙහිව ගත හැකි ක්‍රියාමාර්ග සම්බන්ධ විද්‍යාත්මක දැනුම
මත්ද්‍රව්‍ය / ද්‍රව්‍ය අපසරණය වීම වැළැක්වීම සඳහා නියාමන අරමුණු සඳහා විද්‍යාත්මක සහාය
- ඉහළ අවභාවිත විභවයක් සහිත සැක සහිත ඖෂධ හඳුනා ගැනීම සහ විශ්ලේෂණය කිරීම
-ලෝක තහනම් උත්තේජක මර්දන ආයතනය (World Anti Doping Agency) විසින් තහනම් කර ඇති ක්‍රීඩාවල කාර්ය සාධනය වැඩි කරන තහනම් උත්තේජක සහිත අතිරේක ආහාරමය ද්‍රව්‍ය පරීක්ෂා කිරීම.
- මත්පැන් සහ දුම්කොළ අඩංගු නිෂ්පාදන විශ්ලේෂණය කිරීම සහ පූර්වජ රසායනික ද්‍රව්‍ය විශ්ලේෂණය කිරීම
විද්‍යාත්මක සාක්ෂි පදනම් කරගත් මත්ද්‍රව්‍ය භාවිතය වැළැක්වීමේ උපාය මාර්ග
- පාසල් ළමුන් අතර මත්ද්‍රව්‍ය භාවිතය වැළැක්වීම සඳහා මත්ද්‍රව්‍ය සහ කුසලතා සංවර්ධනය පිළිබඳ මිථ්‍යාවන් සහ යථාර්ථයන් පිටුපස පවතින විද්‍යාව පිළිබඳ විද්‍යාත්මක පුහුණු වැඩසටහන්
-පාසැල් , විශ්ව විද්‍යාල, සේවා ස්ථාන සහ බන්ධනාගාරවල මත්ද්‍රව්‍ය භාවිතය වැළැක්වීමට, විද්‍යාත්මක සාක්ෂි පදනම් කරගත් සුදුසුම ක්‍රමවේද ප්‍රවර්ධනය කිරීම
- පාසල්, සේවා ස්ථාන සඳහා මත්ද්‍රව්‍ය භාවිතය වැළැක්වීමේ උපාය මාර්ග වර්ධනය කිරීම, ක්‍රියාත්මක කිරීම, අධීක්ෂණය කිරීම සහ ඇගයීම සඳහා විද්‍යාත්මක උපදේශනය
විද්‍යාත්මක සාක්ෂි පදනම් කරගත් ප්‍රතිකාර, පුනරුත්ථාපන හා නැවත සමාජගත කිරීමේ උපාය මාර්ග
- මත්ද්‍රව්‍ය වලට ඇබ්බැහි වුවන් සඳහා ප්‍රතිකාර පුනරුත්ථාපනය සම්බන්ධ 2007 අංක 54 දරණ පණත ක්‍රියාත්මක කිරීම සඳහා අවශ්‍ය ජීව විද්‍යාත්මක (මුත්‍රා) සාම්පල වල විශ්ලේෂණ වාර්තාවන් මහේස්ත්‍රාත් අධිකරණ වෙත සැපයීම
- පෞද්ගලික හා රජයේ රෝහල්වල රෝගීන් සඳහා රෝග විනිශ්චය සහ වෛද්‍ය ප්‍රතිකාර නියම කිරීම.
-ප්‍රතිකාර හා පුනරුත්ථාපන මධ්‍යස්ථානවල සහ බන්ධනාගාරවල සිටින රැඳවියන්ගේ මත්ද්‍රව්‍ය භවිතා කිරීමට හේතුව හඳුනා ගැනීම සහ ඔවුන් මත්ද්‍රව්‍ය භාවිතයෙන් වලක්වා ගැනීමට අවශ්‍ය ක්‍රියාමාර්ග ගැනීම
- ප්‍රතිකාර හා පුනරුත්ථාපන මධ්‍යස්ථානවල සහ බන්ධනාගාරවල සිටින රැඳවියන්ගේ මත්ද්‍රව්‍ය භවිතා කිරීමට හේතුව හඳුනා ගැනීම සහ ඔවුන් මත්ද්‍රව්‍ය භාවිතයෙන් වලක්වා ගැනීමට අවශ්‍ය ක්‍රියාමාර්ග ගැනීම
- පූර්ව රැකියා සහ විදේශ අධ්‍යාපන “පරීක්ෂණ” අරමුණු සඳහා “මත්ද්‍රව්‍ය රහිත” බවට සහතික නිකුත් කිරීම
- මත්ද්‍රව්‍ය මත යැපෙන පුද්ගලයින්ට ප්‍රතිකාර හා පුනරුත්ථාපනය කිරීමේ ක්ෂේත්‍රයේ වෛද්‍ය සහ උපදේශන වෘත්තිකයන්ගේ ධාරිතා වර්ධනය
- විශ්ලේෂණය සඳහා ජීව විද්‍යාත්මක නිදර්ශක (මුත්‍රා) සාම්පල ඉදිරිපත් කිරීම සඳහා උපදෙස් ලබාදීම
මත්ද්‍රව්‍ය පාලන කේෂ්ත්‍රය හා සම්බන්ධ නීතිය ක්‍රියාත්මක කරන අධිකාරින් හා අදාල අනෙකුත් ආයතනයන් සඳහා බුද්ධිමය ධාරිතා වර්ධන වැඩසටහන්
මෙහිදී මාදක ඖෂධ, මනෝවර්තක ද්‍රව්‍ය පාලනයට යටත් ඖෂධ හා පුරෝගාමි රසායන ද්‍රව්‍ය අපනයනය, ආනයනය හා බෙදාහැරිම යන කාරණාවලදී මේ හා කටයුතු කරනු ආයතනයන්හි සේවය කරන නිළධාරින්ගේ නීතිය පිළිබඳ දැනුම හා පර්යේෂණ හැකියාවන් විද්‍යාත්මක පැතිකඩක් ඔස්සේ දැනුවත් කිරීමේ පුහුණු සැසි පැවැත්වීම සිදු කරනු ලැබේ.
ප්‍රධානවශයෙන්ම දුර්භාවිත ඖෂධ හඳුනා ගැනීම හා නීතිය ක්‍රියත්මක කරන ආයතන නිළධාරින්, විශේෂිතව පුහුණුකරනු ලබනු අතර මත්ද්‍රව්‍ය සම්බන්ධ නෛතික කටයුතු සම්බන්ධයෙන් නීතිපති දෙපාර්තමේන්තුවේ සම්පත් දායකයින්ගේ සහභාගීත්වයෙන් මත්ද්‍රව්‍ය පිළිබඳ සාක්ෂි එකතු කිරීම , නඩු සකස් කිරීම, සහ අධිකරණමය කටයුතු සඳහා ඉදිරිපත් කිරීම පිළිබඳව ඔවුන්ගේ විශේෂඥ දැනුමද ලබා දෙනු ඇත.
මෙම පුහුණු වැඩමුළුවල අභිමතාර්ථයන් වනුයේ,
1. මාදක ඖෂධ, මනෝවර්තක ද්‍රව්‍ය නීති විරෝධි ලෙස ජාවාරම් කිරීම සම්බන්ධ මුලික දැනුම ලබාදීම.
2. මාදක ඖෂධ, මනෝවර්තක ද්‍රව්‍ය හඳුනා ගැනීම සම්බන්ධ කේෂ්ත්‍ර පරීක්ෂණ කට්ටල භාවිතා කරමින් ප්‍රායෝගික දැනුම ලබාදීම.
3. මත්ද්‍රව්‍ය වල නවීන ආකාර සම්බන්ධව සහභාගිවන්නන් යාවත්කාලීන කිරීම.
ධාරිතා වර්ධන වැඩසටහන්
මත්ද්‍රව්‍ය නිවාරණය වැළැක්වීම සහ පාලනය කිරීම සඳහා සම්බන්ධ රජයේ සහ රාජ්‍ය නොවන ආයතන සඳහා ඖෂධ නීති බලාත්මක කිරීමේ ආයතන, සෞඛ්‍ය බලධාරීන්, බන්ධනාගාර බලධාරීන්, අධ්‍යාපන අංශය, සේවා ස්ථාන , රසායනාගාර සේවකයින් ආදිය ඇතුලු පහත සඳහන් විෂයයන් පිළිබඳ දැනුම ලබා දීම සඳහා NNL විසින් ධාරිතා වර්ධන වැඩසටහන් සංවිධානය කරනු ලැබේ.
විද්‍යාත්මක පුහුණු වැඩසටහන් සමන්විත වන්නේ මත්ද්‍රව්‍ය, මනෝචිකිත්සක ද්‍රව්‍ය සහ පූර්වජයන් ඇතුළුව මත්ද්‍රව්‍ය භාවිතය පිළිබඳ දේශන සහ මත්ද්‍රව්‍ය සම්බන්ධ වැරදිවල නෛතික අංශ සාකච්ඡා කිරීම සහ ඒවාට අදාළ වන ඇඟවුම් ය. එපමණක් නොව, නීතිපති දෙපාර්තමේන්තුවේ සම්පත්දායකයින් මත්ද්‍රව්‍ය පිළිබඳ සාක්ෂි එකතු කිරීම, නඩු සකස් කිරීම සහ අධිකරණයට ඉදිරිපත් කිරීම සම්බන්ධ නීති පිළිබඳ ඔවුන්ගේ විශේෂඥ දැනුම බෙදා ගනී.
පරිගණක පාදක පුහුණු (CBT) වැඩසටහන
එක්සත් ජාතීන්ගේ මත්ද්‍රව්‍ය හා අපරධ වැළැක්වීමේ කාර්යාලයේ (UNODC) තාක්ෂණික සහාය සමඟින් මත්ද්‍රව්‍ය සම්බන්ධ නීතිය ක්‍රියාත්මක කිරීමේ ධාරිතාවන් සවිමත් කිරීම සඳහා මෙම ප්‍රමිතිගත කර යාවත්කාලීන කරන ලද පරිගණක පුහුණු වැඩසටහන් සිංහල සහ ඉංග්‍රීසී මාධ්‍යයන්ගෙන් ආකර්ශනීය ලෙස නව තාක්ෂණික උපක්‍රම යොදාගනිමින් පත්වනු ලැබේ.
විද්‍යාත්මක පර්යේෂණ
මත්ද්‍රව්‍ය ආශ්‍රිත ගැටළු හා විවිධ පැතිකඩ අනාවරණය කිරීම සඳහා ඵලදායී විසදුම් ලබාදෙනු පිණිස, මත්ද්‍රව්‍ය සඳහා ඇති ඉල්ලුම හා සැපයුම පාලනයට අදාලව සාර්ථක විද්‍යාත්මක පර්යේෂණ පැවැත්වීම ජාතික මාදක රසායනාගාරයේ ප්‍රධානතම කාර්යයක් වේ. ජාතික මාදක රසායනාගාරයේ විද්‍යාත්මක නිලධාරීන් විසින් සිදුකරන ලද්දා වූ විශ්ලේෂණ හා පර්යේෂණ වලට අදාලව විද්‍යාත්මක ප්‍රකාශන සහ නව සොයාගැනීම් සම්බන්ධ ඉදිරිපත් කිරීම් රාශියක් , දේශීය සහ විදේශීය සඟරාවල ඉදිරිපත් කර තිබේ.
