ප්‍රතිකාර වැඩසටහන
මණ්ඩලය විසින් පවත්වනු ලබන ප්‍රතිකාර වැඩසටහනේ කාලය වසරකට වඩා වැඩිය. නේවාසික ප්‍රතිකාර සඳහා සේවාදායකයින් මාස දෙකක් මධ්‍යස්ථානයේ රැඳී සිටිය යුතුය. ඒ අනුව ගෙවීම් සහිතව සේවාදායකයින් ඇතුළත් කර ගැනීම සඳහා දින 14 ක ප්‍රතිකාර වැඩසටහනක් ද ක්‍රියාත්මක වේ. නේවාසික කාලය අවසන් වූ පසු සේවාදායකයා නැවත මත්ද්‍රව්‍ය භාවිතය වැළැක්වීමේ වැඩසටහනට ඇතුළත් වනු ලැබේ. සේවාදායකයාගේ සුවය ලබා ගැනීමේ ක්‍රියාවලියට සහාය වීම සහ අපහසු හැඟීම් කළමනාකරණය කරගැනීමට සහය ලබාගැනීමට මෙහිදී සේවාදායකයාගේ දෙමාපියන් / භාරකරුවන් ද ක්‍රියාකාරීව සහභාගි කරගනු ලැබේ.
නේවාසික වැඩසටහනට සාමාන්‍ය ජීවන රටාවන්ට අනුකූල ක්‍රියාකාරකම් හා අත්දැකීම්ද, රසාස්වාදනය තීව්‍ර කිරීමේ ක්‍රියාකාරකම්, නීරෝගී සෞඛ්‍ය සම්පන්න දිවියක් ගත කිරීම සදහා ක්‍රීඩා ව්‍යායාම් යෝගා වැනි ක්‍රියාකාරකම්, උසස් මානසික සුවයක් ලබා ගැනීම සදහා මනෝ උපදේශනයන් හා සතිමත්බව ඇතිකිරීමේ ක්‍රියාකාරකම් මෙන්ම අධ්‍යාත්මික සුවය ලබාගැනීම සදහා සරල ආගමික ක්‍රියාකාරකම් මෙන්ම සාමූහිකත්වය තුලින් ජයග්‍රහනය ලැබීම,ජය පරාජය එකසේ පිළිගැනීම ට හුරු කරවන ක්‍රියාකාරකම් මෙන්ම තමන්ගේ දක්ෂතාවයන් ඔප් නංවා ගැනීමේ ක්‍රියාකාරකම් ඇතුළු මත්ද්‍රව්‍ය භාවිතයෙන් පුද්ගලයෙකු නිදහස් කරගැනීම සදහා ලොව පිළිගත් මට්ටමේ උසස් ක්‍රියාකාරකම් වලින් යුක්ත විද්‍යාත්මක වැඩසටහන් ක්‍රියාත්මක වේ.
ප්‍රතිකාර ක්‍රියාකාරකම්
කණ්ඩායම් උපදේශනය, තනි පුද්ගල උපදේශනය සහ පවුල් උපදේශනයන් අවශ්‍යතාවය අනුව ක්‍රියාත්මක වේ.තවද,
ප්‍රතිකාර හා පුනරුත්ථාපන මධ්‍යස්ථාන
මණ්ඩලය සතු මේ වන විට මත්ද්‍රව්‍ය ප්‍රතිකාර හා පුනරුත්ථාපන මධ්‍යස්ථාන හතරක් තිබේ.මෙම මධ්‍යස්ථාන මගින් මූලික පහසුකම් සමග පිරිසිදු සනීපාරක්ෂක නවාතැන් ,සමබර ආහාර වේලක්,ආදී මූලික අවශ්‍යතා සේවාදායකයින් හට සපයනු ලැබේ.එසේම මනා පුහුණුවකින් යුත් උසස් අධ්‍යාපනයකින් සහිත මිත්‍රශීලි කාර්යමණ්ඩලයක් මගින් උපදේශන කටයුතු සහ පාලන කටයුතු සිදුකරනු ලබයි.එක් එක් පුද්ගලයාගේ ප්‍රතිකාර අවශ්‍යතා තනි තනිව තක්සේරු කරනු ලබයි.ඒ අනුව සකස් කරගන්නා ලද ප්‍රතිකාර සැලැස්මකට අනුව ඉදිරි නේවාසික ප්‍රතිකාර හා පුනරුත්ථාපන කාලය තුලදී ප්‍රතිකාර කටයුතු සිදුකරනු ලබයි. මෙය නේවාසික කාලයෙන් පසුවට පවා ක්‍රියාත්මක වනු ලබන දිගු කාලීන ප්‍රතිකාර සැලැස්මක් වන අතර සේවාදායකයා මධ්‍යස්ථානයෙන් නියමිත කාලයට අනුව බැහැරව ගිය පසුද මාසික පසුවිපරම් වැඩසටහනක් පවත්වාගනිමින් සේවාදායකයාගේ පවුලේ සාමාජිකයින් සමගින්ද සම්බන්ධ වෙමින් ප්‍රතිකාර ක්‍රියාවලිය වඩාත් ඵලදායී කරනු ලැබේ.
NDDCB ප්‍රතිකාර මධ්‍යස්ථාන
මෙම ඒකකයේ ප්‍රධාන වගකීම වන්නේ මත්ද්‍රව්‍ය ප්‍රතිකාරය සහ පුනරුත්ථාපන ක්‍රියාවලිය නිරීක්ෂණය කිරීම සහ සහාය දීම ය.
දුරකථන: +94 11 2788090
ෆැක්ස්: +94 11 2788090
විද්‍යුත් තැපෑල: sethsevana@nddcb.gov.lk
දුරකථන: +94 33 2283060
ෆැක්ස් +94 33 2283060
විද්‍යුත් තැපෑල : navadiganthaya@nddcb.gov.lk
දුරකථන: +94 91 2224443
ෆැක්ස්: +94 91 2224443
විද්‍යුත් තැපෑල: mithsevana@nddcb.gov.lk
දුරකථන: +94 81 2315504
ෆැක්ස්: +94 81 2315504
විද්‍යුත් තැපෑල: methsevana@nddcb.gov.lk
